唔想小朋友有香港腳 記得做齊呢幾樣
夏天又是穿涼鞋和去游水的季節，網上有不少媽媽說小朋友試過在夏天生腳癬，即是香港腳，吓，乜小朋友都會中招？
皮膚科專科醫生盧景勳指，其實任何年齡層的人都會有真菌感染，但成年人及老年人比例多一點。真菌感染主要有三大因素：第一，患者在濕潤環境接觸到真菌；第二，腳部表皮有足夠角質層予真菌滋生；第三：水份，因為真菌要水分生長，如有腳汗，常做戶外活動、游水及打波，焗住雙腳會令真菌滋生。不過，以上三者要並存，才能夠感染皮膚，導致香港腳。真菌極容易在浴室、泳池、健身室及遊樂場所等地方滋生，如果小朋友在這些地方赤腳，有可能會接觸到引致香港腳的癬菌，再加上有腳汗，便有機會感染到香港腳，小朋友香港腳和大人的病徵無異，都是腳趾罅及腳板脫皮、生水泡及痕癢。
盧醫生指，其實小朋友患香港腳不算常見，因為小朋友腳部角質層比大人薄，腳癬菌不易在腳生長，中招機會相對較低，但卻有可能有其他皮膚問題。常見腳部甩皮，可以是濕疹，濕疹通常對稱性強，雙腳的紅疹會對稱，但真菌及香港腳則不會；另一個小朋友常見的腳部感染，則是表皮細菌感染，因為小朋友腳板表皮較薄，細菌易走進去；另一更常見的是轉季表皮脫落，每次轉季，皮屑都會一塊塊掉下來，但這其實不歸納做病，只算是表徵，「有些家長擔心小朋友甩皮會否是真菌感染，通常我會叫家長勤力搽潤膚膏，減少皮膚剝落情況。
上述幾項的治療方法主要都是搽藥膏，抑制細菌生長，殺滅真菌，通常大約4星期就會痊癒。」
如果不想小朋友中招，記得不要經常穿同一對鞋，因為很易積聚濕氣，涼鞋要勤加清洗，再曬太陽殺菌，又記緊要時刻保持雙腳清潔乾爽，如果多腳汗，襪子常濕，就要多帶一對襪替換，沖涼後一定要抹乾腳趾罅，避免有水份令真菌滋生。如果持續超過兩星期都不好，家長就要帶小朋友看醫生，以確診是哪類皮膚情況，因為治療方針大不同。
盧景勳醫生 DR. LOO KING FAN STEVEN
資料來源：今日蘋果 31-05-2018
選文來自：香港Ｅ大夫 / 醫大夫
Ｅ大夫醫生網是香港人最喜愛的醫療網站
E-Daifu.com
