語言: 中文  |  Eng
主頁 了解我們 醫生列表 新加入醫生 加入評論 聯絡我們
醫生姓名 地區 執業類別 性別 註冊專科
輸入全部或部份的醫生姓名爲最熱門 爲次熱門
大廈名稱 診症時間 診症日子 收費 關鍵字搜尋
職場健康:留家抗疫容易肥 健步行幫到你
 

職場健康:留家抗疫容易肥 健步行幫到你

午飯時間,小施看見小柔嗰份迷你午餐,就問:「你做咩食咁少嘢,係咪減肥呀?」小柔答:「疫情反覆,上年到依家大部分日子唔係在家工作就係留喺家中抗疫,搞到肚腩大咗好多咪唔敢食咁多囉!」

分段進行助適應強度運動

小施說:「咁都要注重均衡飲食,仲有做運動都好重要o架!坐多過郁,冇足夠體能活動嘅生活方式,除了容易引致肥胖問題,仲會增加患上慢性疾病風險,例如心血管疾病及糖尿病等。」小柔大驚:「咁點算呀?你真係要幫幫我!」

小施說:「有冇聽過一種運動叫健步行?簡單嚟講即係以每分鐘步行50至100米嘅帶氧運動,我哋可以按自己能力同需要隨時隨地進行,可以話係一種男女老幼都適合嘅運動。如果使用計步器,專家建議每日累積8,000至10,000步以達致運動效果。」小柔問:「咁我要每日行幾耐先夠o架?」

小施答:「一般人嚟講每星期應該最少要有3日進行30分鐘或以上中等強度運動。如果你需要時間嚟適應呢個強度運動,可先以每段唔少於10分鐘分開進行,並每日累積30分鐘或以上就可以。」小柔說:「原來做運動係可以咁容易o架!」小施又說:「呢排好hit嘅洗腦歌就係提醒我哋『食得是福,平安是郁!』郁多啲除咗可以燃燒卡路里,仲可以強化心肺功能同免疫力、增強關節肌肉同肌腱力量等。」

小柔說:「咁我就坐言起行一陣就去健步行!」小施笑說:「咁又唔好咁心急!健步行都係一種中等強度運動,你記得要飯後一小時後先好進行運動,事前亦都謹記要做好熱身運動!」

 

職業安全健康局

資料來源:昔日東方 19-03-2021

選文來自:香港E大夫/醫大夫

 

 

E大夫醫生網是香港人最喜愛的醫療網站

E-Daifu.com

以上資料不是醫療意見,只供參考 / 資料來源 :

     
   關閉

   關閉

WhatsApp 號碼:5548-8918

關閉

E-Daifu App